დღეს უმაღლესმა საარჩევნო კომისიამ ადგილობრივი სადამკვირვებლო ორგანიზაცია დაარეგისტრირა 26 ოქტომბრის აჭარის ავტონომიური რესპუბლიკის უმაღლესი საბჭოს არჩევნებზე დასაკვირვებლად. 20 ოქტომბრისთვის უსკოში რეგისტრირებულია 7 ადგილობრივი სადამკვირვებლო ორგანიზაცია. მათ მიერ რეგისტრაციისათვის განაცხადების შემოტანის ვადა უკვე ამოიწურა.
შეგახსენებთ, რომ 26 ოქტომბერს აჭარის ავტონომიური რესპუბლიკის უმაღლესი საბჭოს არჩევნები გაიმართება საქართველოს პარლამენტის არჩევნების პარალელურად. რეგიონის ამომრჩეველი აჭარის ავტონომიური რესპუბლიკის საკანონმდებლო ორგანოს, უმაღლესი საბჭოს 21 წევრს აირჩევს.