26 ოქტომბრის სხდომაზე აჭარის ა.რ. უმაღლესი საარჩევნო კომისიის წევრებმა ორ ძირითად საკითხზე იმსჯელეს.
განკარგულებით განისაზღვრა, იმ საოლქო საარჩევნო კომისიის ხელმძღვანელ პირთა და კომისიის წევრთა თანამდებობრივი სარგოს ოდენობა, სადაც მხოლოდ აჭარის ა.რ. უმაღლესი საბჭოს მაჟორიტარული სისტემით არჩევნების მეორე ტური იმართება. საუბარია ხულოს N73 მაჟორიტარულ ოლქზე, რომელიც მოიცავს ქედის, შუახევისა და ხულოს საოლქო საარჩევნო კომისიებს. ამავე მაჟორიტარულ ოლქში შემავალი საოლქო საარჩევნო კომისიის წევრებისთვის განკარგულებით დამტკიცდა არასამუშაო დროის და ზეგანაკვეთური სამუშაოს ანაზღაურება.
