დღეს უმაღლეს საარჩევნო კომისიაში ბათუმის შოთა რუსთაველის სახელმწიფო უნივერსიტეტის სტუდენტებთან შეხვედრა გაიმართა.
ახალგაზრდებთან შეხვედრა სტუდენტური პროექტის ,,ვიზიტები სახელმწიფო უწყებებში” ფარგლებში მოეწყო. უმაღლესი საარჩევნო კომისიის თავმჯდომარემ, პარმენ ჯალაღონიამ სტუდენტებს გააცნო ინფორმაცია უსკოს საქმიანობის შესახებ, ასევე ისაუბრა ელექტრონულ ტექნოლოგიებზე, რომელიც საქართველოში საარჩევნო პროცესში იქნა გამოყენებული. შეხვედრაზე განიხილეს არჩევნებში ახალგაზრდების ჩართულობის მნიშვნელობა და მათი მონაწილეობის აუცილებლობა.
უსკოს წევრმა ირაკლი გვარჯალაძემ სტუდენტებისთვის ვერიფიკაციისა და ხმის მთვლელი აპარატების დემონსტრაცია მოაწყო. შეხვედრის ბოლოს გაიმართა იმიტირებული კენჭისყრა.
