21 ნოემბერს აჭარის ორ მაჟორიტარულ ოლქში  საქართველოს პარლამენტისა და უმაღლესი საბჭოს  არჩევნების მეორე ტური გაიმართება.  28-ე ბათუმისა  და  30 -ე ხელვაჩაურის, ქედის, შუახევისა და ხულოს  მაჟორიტარულ საარჩევნო ოლქში საარჩევნო უბანზე მისული ამომრჩეველი ორ ბიულეტენს მიიღებს,  ყვითელს - აჭარის უმაღლესი საბჭოს  მაჟორიტარული, ხოლო ვარდისფერს - საქართველოს პარლამენტის მაჟორიტარული არჩევნებისთვის.