უმაღლესმა საარჩევნო კომისიამ 2020 წლის 21 ნოემბერს გასამართი აჭარის ავტონომიური რესპუბლიკის უმაღლესი საბჭოს მაჟორიტარული არჩევნების მეორე ტურისათვის საარჩევნო ბიულეტენებისა და შემაჯამებელი ოქმების დაბეჭდვის პროცესზე დამკვირვებლებად დანიშნა:

მარიამ გუგუნავა (უსკოს წევრი);
რამაზ ფირცხალაიშვილი (უსკოს წევრი);
რამინ შავაძე - სადამკვირვებლო ორგანიზაცია ა.(ა).ი.პ. „რეგიონალური კორუფციასთან ბრძოლის ცენტრი“.
ბიულეტენების ბეჭდვის პროცესს უზრუნველყოფს სტამბა შპს „ფავორიტი”, ქ. თბილისი, ჩუბინაშვილის №50.
2020 წლის 21 ნოემბერს აჭარის ორ მაჟორიტარულ ოლქში საქართველოს პარლამენტისა და უმაღლესი საბჭოს არჩევნების მეორე ტური გაიმართება. N28 ბათუმის და N 30 ხელვაჩაურის, ქედის,შუახევისა და ხულოს მაჟორიტარულ საარჩევნო ოლქში საარჩევნო უბანზე მისული ამომრჩეველი ორ ბიულეტენს მიიღებს, ყვითელი - აჭარის უმაღლესი საბჭოს მაჟორიტარული, ხოლო ვარდისფერი- საქართველოს პარლამენტის მაჟორიტარული არჩევნებისთვის.