აჭარის უმაღლესი საარჩევნო კომისიის (უსკო) წარმომადგენლები პოლონეთის რესპუბლიკაში გამართულ საპარლამენტო (სეიმისა და სენატის) არჩევნებს დააკვირდნენ. უსკოს წევრები ზურაბ გოლიაძე და რამაზ გოლომანიძე, უსკოს საზოგადოებასთან ურთიერთობის განყოფილების უფროსი ნესტან ნაკაშიძე და ამავე განყოფილების უფროსი სპეციალისტი სოფიო ცეცხლაძე, ასევე საარჩევნო პროცესების მართვის განყოფილების უფროსი სპეციალისტი- გიორგი რიჟვაძე ვარშავაში პოლონეთის ეროვნული საარჩევნო კომისიის მიწვევით იმყოფებოდნენ. ისინი საარჩევნო უბნებზე ხმის მიცემისა და ბიულეტენების დათვლის პროცესს დააკვირდნენ.
პოლონეთის რესპუბლიკაში საპარლამენტო (სეიმისა და სენატის) არჩევნები 13 ოქტომბერს გაიმართა.
