აჭარის უმაღლესმა საარჩევნო კომისიამ 3 აგვისტოს სხდომაზე აჭარის უმაღლესი საბჭოს 2012 წლის 1 ოქტომბრის არჩევნებისთვის საარჩევნო ღონისძიებათა გრაფიკი დაამტკიცა.
დღესვე განისაზღვრა აჭარის უმაღლესი საბჭოს 2012 წლის 1 ოქტომბრის არჩევნების გამართვისათვის სახელმწიფოს მიერ გამოყოფილი თანხის განაწილება/გამოყენების და საოლქო საარჩევნო კომისიის წევრებისათვის არჩევნების პერიოდში დანამატის გაცემის წესი;
ასევე განისაზღვრა უმაღლესი საარჩევნო კომისიის სადეპოზიტო ანგარიშის დადგენისა და ამომრჩეველთა საინიციატივო ჯგუფის მიერ მაჟორიტარულ საარჩევნო ოლქში წარდგენილი მაჟორიტარი კანდიდატის მიერ უსკოს ანგარიშზე დეპოზიტის განთავსების წესი;
დამტკიცდა ასევე ზოგიერთი საარჩევნო დოკუმენტაციის დამტკიცების წესი და განკარგულებით დადგინდა აჭარის ავტონომიური რესპუბლიკის უმაღლესი საბჭოს წევრობის კანდიდატებისათვის ნარკოლოგიური შემოწმების ჩატარების უფლების წესი;
კომისიამ განკარგულებით განსაზღვრა ასევე 2012 წლის არჩევნების პერიოდში უმაღლესი საარჩევნო კომისიის წევრების, შტატგარეშე მოსამსახურეების სახელფასო განაკვეთის რაოდენობა;
