14 სექტემბერს უმაღლესი საარჩევნო კომისიის თავმჯდომარემ არჩილ მიქელაძემ, მამუკა ჯაშთან (უსკოს წევრი, პ/გ „მრეწველობა გადაარჩენს საქართველოს“) და დიმიტრი დარჩიასთან (უსკოს წევრი, „საქართველოს კონსერვატიული პარტია“) ერთად ქედისა და ხელვაჩაურის მუნიციპალიტეტებში შემავალი საარჩევნო უბნები და საოლქო საარჩევნო კომისიები მოინახულა. ისინი ადგილზე გაეცნენ მდგომარებას საარჩევნო უბნებზე, დაათვალიერეს რამდენად სრულყოფილად არის აღჭურვილი უბნები საჭირო ინვენტარითა და ტექნიკით, კომისიის წევრებთან ერთად განიხილეს არჩევნებისათვის მზადების პროცესი.
